१० फेब्रुवारी १९७२ हा दिवस लाडशाखीय वाणी समाजातील सात धुरीणींच्या सामाजिक व शैक्षणिक प्रेरणेतून ज्ञानमंदिर विद्यासंकुलाच्या निर्मितीस कारणीभूत ठरला. "विद्या विनयेन शोभते" या ब्रिदाने सुरू झालेली ही शैक्षणिक सेवेची वाटचाल संस्थापकांनी लावलेल्या इवल्याशा रोपाचे वटवृक्ष साकारताना प्रत्येक विश्वस्ताने, मुख्याध्यापिका,शिक्षक व शिक्षकेतर कर्मचारी यांनी प्रामाणिकपणे चालू ठेवली.

निरंतर शिक्षणाचा हा सकारात्मक प्रवाह अगदी तळागाळातील विद्यार्थ्यांपर्यंत पोहचविण्यात यशस्वी झालेल्या या ज्ञानमंदिर विद्यासंकुलाचा सुवर्ण महोत्सव साजरा करतांना अत्यंत आनंद होत आहे.

औद्योगिक शहरात, मायबोली माझी शाळा | नाही कोणाशीही वैर, सर्वांनाच देते लळा ||१||

याच शाळेत वाढले, हुशार नि गुणवंत | अस्तित्व राहो शाळेचे, सदैव अन् अनंत ||२||

हसत खेळत राहो, सर्व विद्यार्थी नि गुरू | सुवर्ण महोत्सवाचा वर्षारंभ झाला सुरू ||३||

सुवर्ण महोत्सवात, पूर्ण होवो सर्व इच्छा | पुन्हा एकदा सर्वांना, मनापासून शुभेच्छा ||४||

- प्रणित पाटील
- १० वी / ब